Skráning er nú hafin hér á vefnum og er linkur á hana hér til hægri.....

Hlaupahátíðin 2013 fer fram dagana 19-21 júlí og verður dagskráin með sama sniði og í fyrra, þe. sjósund og Óshliðarhlaup á föstudegi, fjallahjólreiðar og skemmtiskokk á laugardegi og Vesturgatan á sunnudegi. Skráning á hátíðina fer fram hér á vefnum og hefst hún innan tíðar.

Dagskráin er komin inn vefinn og munu meiri upplýsingar verða settar þar inn á næstu dögum og vikum.

Þá er hlaupahátíðinni 2012 lokið en í dag var Vesturgatan hlaupin í blíðskaparveðri. Öll úrslit eru hér fyrir neðan. Skipuleggjendur hátíðarinnar þakka öllum þátttakendum fyrir komuna og vonum að þið hafið átt góða daga hér á Vestfjörðum og komið aftur að ári. Einnig viljum við þakka kærlega öllum þeim sem lögðu sitt á vogarskálarnar til að hægt hafi verið að halda hátíðina með þessum hætti .

Hlaupahátíðin verður haldin að ári en þá verður hún 19. - 21. júlí og vonumst við til að sjá sem flesta þá.

Myndir af hátíðinni eru komnar á netið hér

Úrslit 45 km Vesturgata

Úrslit í 24 km Vesturgata karlar

Úrslit 24 km Vesturgata konur

Úrslit 10 km Vesturgata karlar

Úrslit í 10 km Vesturgötu konur

Úrslit þríþraut

Ef að einhver keppandi sér ekki nafnið sitt á réttum stað í þessum listum þá er hann beðinn að hafa samband á Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist. og það verður lagað hið snarasta.

Annar dagur hlaupahátíðarinnar er nú á enda en í dag var skemmtiskokk og fjallahjólreiðakeppni á Þingeyri. 104 þátttakendur voru í skemmtiskokkinu en í fjallahjólreiðunum voru 63 þátttakendur. Úrslitin í þeim munu koma á síðuna í kvöld eða strax á morgun en það var eitthvað vesen með flögutímana hjá einhverjum en verið er að vinna í þeim málum núna. Tímamet voru slegin í báðum flokkum en fyrri metin voru 2.32.56 í karlaflokki og 3.19.18 í kvennaflokki en það voru líka Hafsteinn og María Ögn sem áttu þau met

Fyrstu þrír í karla og kvennaflokki voru:

1. María Ögn Guðmundsdóttir Tindur Örninn-Trek 3.03.26

2. Guðbjörg Halldórsdóttir HFR 3.33.16

3. Clasina Jensen  Riddarar Rósu 3.42.00

1. Hafsteinn Ægir Geirsson Tindur Örninn-Trek 2.24.23

2. Ingvar Ómarsson Tindur 2.24.24

3. Helgi Berg Friðþjófsson HFR 2.32.52

Úrslit í hjólreiðum (leiðrétt)

Á morgun verður Vesturgatan svo hlaupin en dagurinn hefst með 45 km hlaupi klukkan 8, svo hefst 24 km hlaupið klukkan 11 og 10 km hlaupið klukkan 12.30. Rútur fara í 24 km klukkan 9 og í 10 km klukkan 11 og fara þær frá Þingeyri í startið. Markið í öllum hlaupunum verður svo á Sveinseyri.

Þá er fyrsti dagurinn á hlaupahátíðinni þetta árið liðinn. Dagurinn gekk að flestu leyti vel fyrir sig. Lognið var eitthvað að flýta sér en keppendur létu það ekki á sig fá. Öll úrslit dagsins eru hér fyrir neðan en ef keppendur hafa eitthvað við þau að athuga þá er hægt að hafa samband í síma 8944208 (Guðbjörg) um helgina. Einhverjir sem eiga verðlaun og voru ekki við verðlaunaathöfnina mega einnig hafa samband eða nálgast þau á Þingeyri á morgun eða sunnudag.

Á morgun hefst keppnin klukkan 10 með fjallahjólreiðum og svo verður skemmtiskokk klukkan 12 og hefst dagskráin við Sundlaugina á Þingeyri. Einnig  verða bakaðar vöfflur og Martha Ernstsdóttir verður með útijóga. Hvetjum alla til að mæta og taka þátt.

Úrslit Sjósund

Úrslit í 10 km Óshlíð

Úrslit í 21 km Óshlíð

Í dag, 13. júlí, hefst hlaupahátíðin 2012. Skráning og afhending gagna fer fram í versluninni CraftSport Austurvegi 2 Ísafirði en einnig er hægt að nálgast gögn og skrá sig á Þingeyri á laugardag og sunnudag við sundlaugina.

Sjósundið hefst klukkan 16 við aðstöðu Sæfara í Neðstakaupstað en það verður byrjað á að synda 500m sundið og svo fara 1500m af stað. Óshlíðarhlaupið hefst svo klukkan 20 í Bolungarvík og 10 km klukkan 20.30 á Óshlíðinni. Rútur fara frá versluninni CraftSport klukkan 19.15 og 19.45.

Mótshaldarar hafa ákveðið að fresta startinu í 10 km Vesturgötu til klukkan 12.30. Við þurfum að nota sömu rútur og eru í 24km og það er of knappt að reyna að starta klukkan 12. Það er því mæting klukkan 10.30 og fara rúturnar upp úr kl.11 af stað frá sundlauginni á Þingeyri.

Öll úrslit munu birtast hér á síðunni eftir hvern dag en einnig verða þau send á hlaup.com og hlaup.is

Í dag var undirritaður samningur milli hlaupahátíðarinnar og Íslandsbanka er sá samningur er til 5 ár og mun bankinn vera aðalstyrktaraðila hátíðarinnar í þann tíma. Samningurinn er afar mikilvægur fyrir hátíðina og erum við mjög ánægð að geta með honum gert hátíðina enn veglegri. Þá var einnig undirritaður samningur við Ölgerðina í dag en sá samningur er til 3 ára og mun Ölgerðin sjá hátíðinni fyrir öllum þeim drykkjum sem notaðir verða á hátíðinni á þeim tíma.

Hér er minnilisti fyrir keppendur en þar er að finna hagnýtar upplýsingar fyrir keppnina um helgina. Hvetjum alla til að lesa vel yfir og ef eitthvað er óljóst þá endilega hafið samband.

Hlaupahátíðin er nú á næsta leiti og er undirbúningur í hámarki. Skráning er á hlaup.com og hvetjum við alla að skrá sig tímanlega en netskráningu lýkur á hádegi miðvikudaginn 11. júlí. Eftir það er hægt að skrá sig í versluninni CraftSport Austurvegi 2 Ísafirði fimmtudaginn 12. júlí frá 16-18 og föstudaginn 13. júlí frá 12-18.

Nú á næstu dögum verður undirritaður samningur við Íslandsbanka en bankinn verður aðalstyrktaraðili hlaupahátíðarinnar næstu 5 árin. Þessi samningur er gríðarlega mikilvægur fyrir okkur en hann tryggir hátíðina enn betur í sessi.

Einnig eru í höfn samningar við Ölgerðina og Nóa Siríus og munu allir drykkir og og flestar veitingar koma frá þeim.

Nú hafa starfsmenn FRÍ mælt Óshlíðina löglega þannig að þeir sem taka þátt í henni fá tíma sína skráða en þess ber þó að geta að brautin er ekki lögleg til að setja Íslandsmet þar sem of langt er á milli starts og marks.

Hlaupahátíð á Vestfjörðum 13. - 15.  júlí 2012

Hlaupahátíðin á Vestfjörðum verður haldin helgina 13. - 15. júlí 2012 og er það í fjórða sinn sem hún er haldin. Hátíðin hefur vaxið hratt undanfarin ár en í ár verður hún með sama sniði og á síðasta ári. Þá bættum við inn sjósundi, þríþraut og 45 km Vesturgötuhlaupi.

Skráning er hafin á hlaup.com og geta þátttakendur skráð sig í allar þær greinar sem þeir ætla að taka þátt í í einni færslu auk þess sem hægt er að kaupa hlaupahátíðarboli. Greiðsla fer fram við skráningu en ef þátttakendur forfallast þá er hægt að fá endurgreitt þar til forskráningu lýkur en ekki eftir það. Bendum við þeim að hafa samband á Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist.

Hátíðin 2011

Nú er hlaupahátíðinni lokið í ár og tókst hún í alla staði mjög vel fyrir utan smá hnökra með rúturnar í 10 km Vesturgötu og biðjum við þátttakendur afsökunar á því. Er greinilega eitthvað sem þarf að huga betur að en við erum alltaf að læra og munum bæta þetta að ári. Hér má sjá öll úrslit og þau er einnig að finna hlaup.is og hlaup.com 

Þökkum öllum þátttakendum fyrir helgina og vonumst til að sjá sem flesta að ári liðnu, 13.-15. júlí 2012. 

•  Myndasafn Davíðs Davíðssonar frá hjólreiðum og Vesturgötu 2010

Snerpa hýsir vef hlaupahátíðarinnar og styrkir hana í senn.